ESG 不離地
近年不少中小企，都希望加入永續發展行列，擴展新的市場商機，以及回饋社會。不過，中小企人手及資金都有局限，要投入新資源去開拓ESG殊不簡單。中小企可以怎樣突圍而出呢?
Read More環保上班族裸辭開裸買店：要做到區區有裸買!
以廢棄的木屑塊拼湊成店名「點籽」字樣，門外的小木門亦是由友人捐贈。踏入店內，數百呎的小店有如摩登的雜貨店：七彩繽紛的環保產品、一個個盛載著不同食物或醬汁的大玻璃樽，讓客人用自備容器，揀選自己所需的份量，所有貨品都沒有任何塑膠包裝。裸買店點籽一絲不苟得，連牆上的小掛鐘亦是由西貢街坊棄置之物。 這是一間不折不扣重用各種「廢物」而成的店鋪，事實證明，它們統統有無限價值。「我哋擺貨嘅木櫃都係執返嚟！」，點籽負責人之一的Nicole，興奮地逐一介紹每件物品的來源。樣樣都有其精彩的故事，4位店主如是。 4烈女零生意經驗 「心口得個勇字」 「點籽」由4位女店主打理，最先提出開店的是Nicole。她與很多近年開始關注環保議題的人一樣，同樣受海龜鼻插塑膠飲管的影片所震憾，「自從睇咗嗰條片之後，我就無再用膠飲管」。 後來，她接觸到世界各地的裸買文化，而真正實踐竟因「裸辭」開始，「嗰陣返工返得唔開心，會喺度諗，人生係咪只係得返工放工？」。結果，她坐言起行，從開店重新尋找自己，還有3位同路人。Nicole介紹指，合夥人之中有她的妹妹及其友人，另一位是坐在她身旁的阿Yan。「因為我知佢會肯囉！」，Nicole笑笑與拍檔對望。Yan指，兩人認識多年已相熟相知，又會一同參與工作坊，「知道大家都係想做呢樣嘢（環保），如果佢係想做篤魚蛋，就唔會搵我！」，合拍之情滿瀉。 4人分別來自五湖四海。Nicole和Yan從事媒體工作，而另外兩位拍檔則是市場推廣之人，「其實我哋4個都無做過生意，完全係心口得個勇字就做」。無經驗但靠熱誠搭夠，兩女笑言4人爭執不多，反起互補作用，「我哋會話邊個鋪位好正，不如要啦，但有個數口精啲嘅就會叫停我哋」。 裸買為先 減廢才是王道 小店環境細細，但Nicole指當中分為4類貨品，分別為食品雜貨、環保用品、身體護理以及個人保養。Nicole指，自己與Yan較專攻環保用品的貨品，如環保食物盒、飲管、杯等等。其餘兩位拍檔由於已初為人母，「佢哋搵畀自己仔女食嘅，都要啲有機雞蛋咁，所以會主力買個人保養嘅嘢」。 裸買（shop naked）概念近年盛行，意即購物時避免使用不必要的包裝。Nicole指，現時全店貨品均不會使用任何塑膠包裝，客人需自備購物袋或容器。假如有客人未有自備袋子，店鋪亦會借出玻璃樽等容器讓他購物。 Nicole指，裸買貌似是新概念，但事實上與舊香港年代人們購物習慣無異，「其實以前我哋媽媽、婆婆嗰輩去買嘢，包裝都係搵紙包住或者搵咸水草紮住（貨品）就搞掂」，更笑指有長者來購物時，有如懷緬自己年輕時代一樣。Yan亦指，膠袋的出現讓人可方便購物，但是時候停下來看清現實，「突然間好方便，但原來呢樣嘢要幾百年先分解到」。方便總是令人容易忘卻現實，Nicole亦時時以這一點提醒客人，「你食個包3分鐘食晒，但用嚟載住包嘅膠袋要用幾耐時間先完全消失？」。 除了謝絕包裝，減少浪費亦是點籽主打的任務。無論是食品還是清潔劑，客人均需自備容器來盛載自己需要的份量。這個主意，源於Nicole曾經也是浪費之人，「以前自己一個住，買成包意粉但食得少少，擺到發晒霉之後又唔食得」。不過，摒棄包裝後，每個人就可購買自己所需的份量，「而家如果我只係想食一餐通粉，$6就買200克就搞掂」。 開業2年，被問到期間有否客人對這概念感到抗拒，Yan反指從客人的反應中看出大眾對環保議題的轉變，「由當初『吓，無膠袋㗎？』去到『呀唔好意思，我唔記得帶』，個意念已經多咗人知道」。這看似少少的舉動，她認為是具有無比意義，「我哋一直講緊嘅都係，我哋究竟係咪可以做啲嘢去改變」。 我們不是「環保L」 「其實我想話畀人哋知，我哋唔係『環保L』」，Nicole雖說著笑笑，但眼神中帶點鏗鏘，這確切是她們的心願。兩人認為，做環保，不代表要「all-in」，「我聽過一個朋友講，我哋唔需要10個人完美地環保，只需要10萬個人唔完美咁環保」，如點籽店中寫的一句座右銘「每人一小步，地球一大步」。 對她們而言，開店的一小步已達成，下一步則希望衝出西貢，達到「區區有裸買」。Nicole指，自己早前與不同區有意開裸買店的店主交流，近日在九龍灣、愉景灣亦陸續有裸買店出現，「希望第時組到一個『裸買聯盟』！」。 「我哋『點籽』用種籽個籽，其實就係喺一個地方種環保種籽，一路發展落去」，她們由為店鋪取名開始，每一步都貫徹始終，「我自己都可以出一分力，甚至開返間鋪，每人做少少，其實唔係咁難」。種籽終有天能茁壯變成大樹，護蔭地球。
Read More